Eleksyon 2026 : CEP pwolonje enskripsyon kandida yo rive 14 oktòb

Konsèy Elektoral Pwovizwa a (CEP) anonse li pwolonje peryòd enskripsyon kandida yo apre pati ak gwoupman politik yo te fè demann nan rankont ak nan lèt yo te voye bay enstitisyon an.

Operasyon an te dwe fèt soti 20 out rive 2 oktòb 2026. Kounye a, li ap kontinye jouk 14 oktòb 2026. Dapre CEP la, chanjman sa a konsène tout aktivite ki fè pati pwosedi enskripsyon an.

Nouvo kalandriye a

1. Enskripsyon kandida yo sou entènèt : 20 out rive 20 septanm 2026.
2. Depo pyès yo mande yo : 13 rive 22 septanm 2026.
3. Analiz dosye yo : 13 rive 28 septanm 2026.
4. Piblikasyon lis preliminè kandida ki enskri yo : 29 septanm 2026.
5. Kontestasyon kandidati devan BCEC yo : 30 septanm rive 7 oktòb 2026.
6. Kontestasyon kandidati devan BCED yo : 30 septanm rive 9 oktòb 2026.
7. Jesyon rekou devan BCEN an : 7 rive 13 oktòb 2026.
8. Piblikasyon lis definitif kandida ki agreye yo : 14 oktòb 2026.

Plis tan pou estrikti politik yo

CEP prezante desizyon sa a kòm yon mwayen pou ede responsab pati ak gwoupman politik yo fini tout fòmalite pou anrejistre kandida fanm ak gason yo sou platfòm ki la pou sa. Enstitisyon an mande responsab yo sèvi nèt ak tan anplis sa a epi fini tout demach yo anvan nouvo dat limit yo.

Konsèy la di li vle kontinye mennen pwosesis la yon fason enklizif, san patipri, transparan ak responsab, nan respè endepandans ak entegrite elektoral ansanm ak dwa chak sitwayèn ak sitwayen pou patisipe nan lavi demokratik peyi a.

Nòt la soti Petyonvil, 2 septanm 2026.